У Жэневе прадалі з аўкцыёну рэдкі ружовы брыльянт за рэкордныя $26,6 мільёнаў

• 12.11.2020, 15:27

Яго вага - 14,83 карата.

У Жэневе на аўкцыёне Sotheby's прадалі ружовы брыльянт "Прывід Ружы" за рэкордныя для каштоўнага каменя такога тыпу $26,63 млн.

Як паведамляе "Еўрапейская праўда", пра гэта гаворыцца ў заяве арганізатараў аўкцыёну.

"Прывід Ружы" - найбуйнейшы ружовы брыльянт, калі-небудзь прададзены з аўкцыёну. Яго вага - 14,83 карата. Цана, якую заплацілі за лот, таксама з'яўляецца сусветным рэкордам за такі лот.