Увесь свет віншуе мэра маленькага японскага гарадка з перамогай у амерыканскіх выбарах

• 12.11.2020, 16:32

Яго завуць Джо Бай Дэн.

73-гадовы Ютака Умэда, мэр невялікага японскага горада Ямата, стаў напэўна самым вядомым кіраўніком гарадка, бо пра яго даведаўся ўвесь свет.

Нечакана для сябе аднойчы ён прачнуўся знакамітым. Яго імя было ў топе Твітэру, а віншаванняў з перамогай прыходзіла больш, чым жыхароў у горадзе, якім ён кіруе, піша «Новое время» са спасылкай The Guardian.

Прычым віншавалі яго з перамогай на выбарах у ЗША. Як так атрымалася? Справа ў тым, што прозвішча мэра Ямата - Умэда - складаецца з двух іерогліфаў: 梅田. Іх можна прамаўляць і як «умэ» - «так», і як «бай» - «дэн». А іерогліф 穣 можна прачытаць як «Ютака», а можна - як «Джо». Вось і атрымліваецца, што японскім мястэчкам Ямата кіруе Джо Бай Дэн.

Умэда распавёў, што спачатку вельмі здзівіўся свайму траплянню ў трэнды. Але прызнаўся, што на выбарах аддаваў перавагу менавіта Байдэну - і расказаў, што хацеў бы з ім сустрэцца, каб прадставіцца як «Байдэн з Кумамота», а таксама заклікаць усіх «есці гародніну».