Біскуп Юры Касабуцкі: Молімся за тых, хто аддаў жыццё за шчаслівую будучыню для нашай краіны

• 13.11.2020, 21:16

Сотні людзей сабраліся на святую імшу па Раману Бандарэнку ў Менску.

Святая імша па грамадзянскаму актывісту Раману Бандарэнку праходзіць у Архікафедральным касцёле Панны Марыі ў Менску ў пятніцу, тут сабралася некалькі соцень чалавек, многія засталіся на вуліцы, паведамляе карэспандэнт «Интерфакс-Запад».

«Мы сабраліся тут, каб памаліцца за ўсіх ахвяр гвалту ў нашай краіне, але ў першую чаргу - за Рамана Бандарэнку. Мы, людзі, якія застаюцца на зямлі, можам зрабіць для яго душы толькі адно - маліцца», - сказаў генеральны вікарый Менска- Магілёўскай архідыяцэзіі біскуп Юрый Касабуцкі падчас імшы.

«Мы з жахам назіраем, што робіцца ў нашай краіне. Мы кожны дзень молімся, за спыненне гвалту. Але яго становіцца ўсё больш. Мы ўсё разумеем, што забойства, гвалт - гэта зло. Але мы ўсе памятаем словы Хрыста, што важна прабачэнне», - працягнуў ён.

Прадстаўнік каталіцкай царквы адзначыў, што святары ўсё часцей чуюць пра тое, наколькі складана становіцца дараваць для многіх людзей. Аднак пры гэтым заклікаў у любой сітуацыі заставацца «чалавекам, чалавекам з вялікай літары і не захоўваць у сваім сэрцы нянавісць».

Касабуцкі таксама звярнуў увагу на тое, што «сёння наша грамадства напоўненае гераізмам і важна гэта пачуццё захаваць». «Гэта праява любові, як бы нас не стараліся сутыкнуць. Але аб'ядноўваюцца людзі нават розных канфесій. І гэтую любоў трэба зберагчы», - упэўнены ён.

«Молімся за тых, хто аддаў жыццё за шчаслівую будучыню для нашай краіны і, асабліва, за Рамана Бандарэнку», - завяршыў пропаведзь святар.