Апублікаванае адно з апошніх відэа з Раманам Бандарэнкам

• 14.11.2020, 15:42

Беларусы ўзгадваюць Героя.

У Сеціве з'явілася адно з апошніх (калі не апошняе) відэа з Раманам Бандарэнкам.

Відэа знятае ў двары 29 верасня, яго аўтар - Андрэй Вайтовіч, піша Telegram-канал НЕХТА.

Увечары 11 лістапада Рамана жорстка збілі ў двары ўласнага дома. Пазней стала вядома, што яго даставілі ў Цэнтральнае РУУС. Ужо пасля паўночы Рамана ў коме прывезлі ў рэанімацыю лякарні хуткай дапамогі. Увечары 12 лістапада Раман памёр.

Яму быў 31 год, ён быў адзіным сынам у бацькоў.