У Менску затрымалі двух вядомых лекараў

• 15.11.2020, 17:19

Медыкі знаходзяцца ў Маскоўскім РУУС.

Тэлеграм-канал «Белыя халаты» паведамляе аб затрыманні двух вядомых лекараў у Менску.

Са звестак адміністратараў канала, затрымалі намесніка дырэктара ў арганізацыі супрацьракавай барацьбы РНПЦ анкалогіі ім. Аляксандрава, кандыдата медыцынскіх навук Паўла Маісеева. Цяпер ён знаходзіцца ў Маскоўскім РУУС.

Таксама затрыманы загадчык аперацыйнага блока РНПЦ ОМР ім. Аляксандрава, кандыдат медыцынскіх навук, лекар вышэйшай кваліфікацыйнай катэгорыі, Андрэй Палуянчык. Як мяркуецца, ён таксама ў Маскоўскім РУУС.