Аліеў прыехаў у Нагорны Карабах

• 16.11.2020, 19:11

Прэзідэнт Азербаджана наведаў Фізулінскі і Джэбраільскі раёны.

Прэзідэнт Азербайджана Ільхам Аліеў наведаў узятыя пад кантроль арміі горада Фізулі і Джабран, размешчаныя ў Нагорным Карабаху. Пра гэта паведамляе яго прэс-служба ў панядзелак, 16 лістапада.

«Сёння прэзідэнт Азербайджанскай рэспублікі Ільхам Аліеў і першая лэдзі Мехрыбан Аліева наведалі вызваленыя ад акупацыі Фізулінскі і Джабраільскі раёны, у тым ліку гарады Фізулі і Джабран», - гаворыцца ў кароткім паведамленні.

Таксама стала вядома, што прэзідэнцкі картэж Ільхама Аліева заўважылі ў Гарадызе Фізулінскага раёна. Адпаведнае відэа з'явілася ў YouTube.

На роліку бачна, як з аднаго з аўтамабіляў прэзідэнцкага картэжу выходзіць Аліеў у вайсковай форме. Ён вітае людзей вакол, а тыя апладзіруюць і сустракаюць яго радаснымі крыкамі.

Пасля людзі пачалі скандаваць: «Карабах!».

Нагадаем, 9 лістапада прэзідэнт Азербайджана Ільхам Аліеў, прэм'ер-міністр Арменіі Нікол Пашынян і прэзідэнт РФ Уладзімір Пуцін падпісалі сумесную заяву пра поўнае спыненне вайсковых дзеянняў у Нагорным Карабаху. Азербайджанскі і армянскі бакі застануцца на занятых пазіцыях, а ў рэгіёне будуць размешчаны амаль дзве тысячы расейскіх міратворцаў.