Каля Міжнароднай федэрацыі хакея ў Цюрыху прайшоў пікет супраць правядзення ЧС у Беларусі

• 16.11.2020, 19:28

Актывісты звярнулі ўвагу на шматлікія парушэнні правоў чалавека ў краіне.

Сёння прайшоў пікет каля Міжнароднай федэрацыі хакея на лёдзе ў Цюрыху. У гэтыя дні Федэрацыя павінна прыняць пастанову пра Чэмпіянат свету ў хакеі ў Беларусі ў 2021 годзе.

Пра гэта паведамілі Charter97.org.

Асацыяцыя Razam.ch звярнулася да Федэрацыі ў адкрытым лісце і заклікала перанесці Чэмпіянат свету ў іншую краіну ў сувязі з праблемамі бяспекі і шматлікімі парушэннямі правоў чалавека ў Беларусі.