Праваабаронцы звярнуліся ў ААН праз сітуацыю з вадой у Новай Баравой

• 17.11.2020, 11:47

Мясцовыя жыхары мяркуюць, што ўлады адмыслова адключылі ваду і ацяпленне.

У менскай Новай Баравой ужо трэці дзень няма вады, сёння адключылі ацяпленне.

Мясцовыя жыхары мяркуюць, што праблема з вадой і развязанне гэтай праблемы могуць быць звязаныя з іх актыўнай грамадзянскай пазіцыяй, а таксама з бел-чырвона-белымі сцягамі, якія яны вывешваюць у дварах.

Беларускі Хельсінскі Камітэт ужо накіраваў зварот спецдакладчыку правоў чалавека ААН пра ваду. Згодна з міжнародным стандартам доступ да бяспечнай пітной вады і санітарных паслуг з'яўляецца найважнейшай умовай жыцця ў годнасці і падтрымання правоў чалавека.

Адзначым, што з'явіўся адмысловы чат у Telegram, дзе кожны ахвочы можа дапамагчы жыхарам менскага мікрараёна.