Лукашэнка прызначыў бандыта Карпянкова намеснікам міністра МУС і камандавальнікам унутранымі войскамі

• 19.11.2020, 14:27

Гэта дапаможа ўвядзенню татальных санкцый супраць рэжыму.

Лукашэнка зрабіў сёння шэраг прызначэнняў у карных структурах, паведамляе БелТА.

Кіраўнік галоўнай управы барацьбы з арганізаванай злачыннасцю і карупцыяй (ГУБАЗіК) МУС Мікалай Карпянкоў прызначаны намеснікам міністра ўнутраных справаў – камандавальнікам унутранымі войскамі.

Мікалай Карпянкоў праславіўся сваёй псіхічнай неадэкватнасцю падчас нападаў бандытаў з ГУБАЗіК на мірных пратэстоўцаў, а таксама на ўласнасць беларускіх грамадзянаў.

Найбольш вядомым стала відэа, на якім Карпянкоў асабіста б'е дубінкай шкло ў менскай кавярні.

Прызначэнне вядомага сваімі злачынствамі бандыта на пасаду намесніка міністра МУС дапаможа ўвядзенню татальных санкцый супраць рэжыму.

Нагадаем, што беларусы патрабуюць увядзення эфектыўных санкцый супраць незаконнага рэжыму Лукашэнкі – за злачынствы супраць чалавечнасці.

Бандытаў можна спыніць толькі жорсткімі санкцыямі з боку Захаду:

– адключыць рэжым ад міжнароднай міжбанкаўскай сістэмы SWIFT;

– замарозіць рахункі дзяржаўных прадпрыемстваў за мяжой;

– спыніць закупкі нафтапрадуктаў, вырабленых у Беларусі;

– увесці эмбарга на любыя ўгоды з кампаніямі, якія падтрымліваюць рэжым;

– абвясціць карныя органы Лукашэнкі тэрарыстычнымі арганізацыямі;

– санкцыянаваць арышт у любым пункце свету міжнароднымі і нацыянальнымі судамі асобаў, вінаватых у злачынствах рэжыму;

– выслаць усіх амбасадараў рэжыму як памагатых злачынстваў.