Даляр наблізіўся да гістарычнага максімуму

• 2.11.2020, 16:50

Што адбываецца з курсамі валют у пачатку працоўнага тыдня?

Даляр, які даражэў цягам мінулага тыдня, умацоўваецца і сёння на таргах на Беларускай валютна-фондавай біржы. Абменнікі на гэта рэагуюць падвышэннем курсаў продажу амерыканскай валюты. Еўра на таргах сёння таксама даражэе, а расейскі рубель падае. Tut.by паглядзеў, якія курсы валют устанавілі абменнікі ў пачатку працоўнага тыдня.

Вышэйшы за ўсё курс продажу банкамі даляра - 2,7 рубля (БПС-Сбербанк), а самы нізкі - 2,65 рубля (Банк «Дабрабыт», «Беларусбанк»).

Удакладнім, што ў розных абменніках аднаго банка могуць адрознівацца курсы валют. Пры гэтым цягам таргоў банкі могуць некалькі разоў мяняць курсы.

Больш выгадна здаваць амерыканскую валюту ў Paritetbank - 2,655 рубля.

Курс продажу банкамі еўра вышэйшы за ўсё ў Банку БелЗЭБ - 3,13 рубля, а самы нізкі ў Банку «Дабрабыт», «Беларусбанку» (3,09 рубля).

Еўра выгадна здаваць у «Альфа-Банку» - 3,086 рубля.