ЗША запатрабавалі ад Кіпра закрыць парты для расейскіх вайсковых караблёў

• 3.11.2020, 17:44

Толькі ў гэтым выпадку будзе прадоўжанае развіццё вайскова-тэхнічнага супрацоўніцтва паміж краінамі.

Пра гэта заявіў на тэлефонным брыфінгу для журналістаў памочнік дзяржсакратара ЗША ў вайскова-палітычных справах Кларк Купер у каментары зместу сваіх нядаўніх перамоваў на Кіпры, паведамляе ТАСС.

«...> Канкрэтна я адзначыў [на сустрэчах у Нікасіі], што Кіпр яшчэ не зрабіў крокаў, неабходных для таго, каб забараніць доступ да партоў караблям расейскага ВМФ. Гэты і іншыя крокі, зразумела, неабходныя. Аднак яны таксама з'яўляюцца часткай стратэгіі [ЗША], якая тычыцца Усходняга Міжземнамор'я, і Закону аб энэргетычным партнёрстве ад 2019 года. Мы, безумоўна, хочам, каб Рэспубліка Кіпр рухалася ў гэтым кірунку. Гэта дасць ім далейшы доступ да абароннай прадукцыі, у дачыненні да якой дзейнічае рэжым экспартнага кантролю ITAR», - заявіў дыпламат.

«Каб мы маглі ісці далей з Рэспублікай Кіпр, - падкрэсліў супрацоўнік замежнапалітычнага міністэрства ЗША, - нам трэба бачыць далейшыя гарантыі яе здольнасці забараніць партовы доступ караблям расейскага ВМФ».

Са слоў Купера, «гэта вельмі сумленны дыялог» паміж Вашынгтонам і Нікасіяй. «Мы, вядома, разумеем, што ў гэтых заходаў у парты ёсць характар спадчыны, мы разумеем, што [у Кіпра ў гэтым выпадку] маюцца гістарычныя эканамічныя інтарэсы. Аднак, каб рухацца наперад па меры таго, як Кіпр пачынае адыгрываць больш значную ролю ва Усходнім Міжземнамор'і, бярэ на сябе больш адказнасці за падтрыманне Еўрапейскага Звязу і патрабаванняў NATO, нам трэба мець больш аператыўнай сумяшчальнасці з імі. А гэта патрабуе развязання пытання з заходамі ў парты (расейскіх караблёў)», - сказаў памочнік дзяржсакратара.