Выкладчыкі Акадэміі мастацтваў заступіліся за сваіх студэнтаў

• 4.11.2020, 16:38

Відэафакт.

Выкладчыкі Акадэміі мастацтваў запісалі відэазварот у падтрымку студэнтаў, адлічаных з універсітэта за іх грамадзянскую пазіцыю, паведамляе «Радыё Свабода».

У кадры можна бачыць 14 чалавек, якія хорам і паасобку прамаўляюць:

Мы, выкладчыкі і супрацоўнікі Беларускай дзяржаўнай акадэміі мастацтваў, адкрыта выступаем супраць адлічэння студэнтаў. Мы ўважаем дзеянні адміністрацыі Акадэміі за незаконныя. Бо студэнты былі адлічаныя за сваю грамадзянскую пазіцыю, і ніякіх іншых прычын не было. Мы не разумеем і не прымаем ніякіх апраўданняў такім дзеянням і патрабуем аднаўлення адлічаных студэнтаў.