У Бабруйску згарэў рэйсавы аўтобус МАЗ

• 18.03.2020, 21:43

Аўтобус загарэўся падчас руху.

Увечары 18 сакавіка ў Бабруйску загарэўся аўтобус з пасажырамі, паведамляе «Коммерческий курьер».

Паводле інфармацыі выдання, блізу 18.40 падчас руху на вуліцы Бахарава пасажыры аўтобуса адчулі пах дыму і паведамілі пра гэта кіроўцу. Апошні аператыўна вывеў людзей з салона.

Ратавальнікі, якія прыбылі на месца здарэння, патушылі ўзгаранне. У выніку пажару аўтобус выгараў цалкам.

Відэа: НЗ Беларусь