Доктара Аляксандра Лобана забралі ў інфекцыйную бальніцу

• 24.03.2020, 20:28

Медык вядомы тым, што звярнуўся да беларусаў у сувязі з каронавірусам.

Гарадзенец Аляксандр Лобан, які зрабіў зварот па сітуацыі з каронавірусам і даў некалькі каментароў незалежным медыя, трапіў у інфекцыйную бальніцу.

Доктар Аляксандр Лобан паведаміў карэспандэнту «Радыё Рацыя», што ніякага недамагання ён не адчуваў і не выклікаў медыкаў. Яны прыехалі 24 сакавіка да яго ж, зафіксавалі тэмпературу 37,1 і сказалі, што трэба абавязкова ехаць у бальніцу пад назіранне.

Некалькі дзён таму Аляксандр Лобан вярнуўся ў Беларусь з Нідэрландаў.