Міністэрства аховы здароўя паведаміла пра 86 заражаных каранавірусам у Беларусі

• 25.03.2020, 11:11

Яшчэ наконт двух пацыентаў праводзяць дадатковую праверку.

Міністэрства аховы здароўя Беларусі абнавіла афіцыйныя звесткі пра колькасць інфікаваных вірусам COVID-19 у нашай краіне. Пра гэта паведамляе прэс-служба Міністэрства аховы здароўя.

«На сённяшні дзень у Рэспубліцы Беларусь праведзена амаль 23 тысячы тэстаў на COVID-19.

На сённяшні дзень, ужо выпісаны або рыхтуюцца да выпіскі 29 пацыентаў. Раней у іх тэст на COVID-19 даў станоўчы вынік. У працэсе назірання і лячэння атрыманыя адмоўныя вынікі тэстаў. Працягваецца медыцынскі кантроль і лячэнне 57 пацыентаў.

Яшчэ наконт двух пацыентам спецыялісты праводзяць дадатковую праверку ў сувязі з неадназначнасцю атрыманых вынікаў», - гаворыцца ў паведамленні.