«Адзін пацыент нават апусціўся перада мной на калені, каб я прыняў яго»

25.03.2020, 15:03

Як медыкі сёння ратуюць свет.

У іх ёсць сем'і, дзеці, мужы, жонкі, бацькі, але яны дні напралёт праводзяць на працы. Тысячы лекараў у розных краінах з пачатку пандэміі зазнаюць смяротную рызыку дзеля выратавання сваіх пацыентаў, піша tut.by.

У Гішпаніі каранавірусам заразілася амаль 5400 медыцынскіх работнікаў, што складае 13,6% ад агульнай колькасці хворых, паведаміў 24 сакавіка кіраўнік цэнтра барацьбы з надзвычайнымі сітуацыямі ў галіне аховы здароўя Фернанда Сімон.

У АДДЗЯЛЕННІ ІНТЭНСІЎНАЙ ТЭРАПІІ АДНАГО СА ШПІТАЛЯЎ РЫМА

У Італіі, дзе колькасць смерцяў ад COVID-19 б'е ўсе рэкорды, памерлі 14 медработнікаў.

У Кітаі, дзе медыцынскія работнікі першымі сутыкнуліся з невядомым вірусам, памерлі прынамсі 46 з іх.

Прычына такіх выпадкаў - і велізарная вірусная нагрузка на лекараў, і часцяком звычайны недахоп часу, каб змяніць ахоўную адзежу і выконваць усе правілы бяспекі.

МЕДЫЦЫНСКІЯ РАБОТНІКІ НАКІРОЎВАЮЦЦА Ў ШПІТАЛЬ ДЛЯ ЛЯЧЭННЯ ПАЦЫЕНТАЎ З КАРАНАВІРУСАМ. ТЭГУ, ПАЎДНЁВАЯ КАРЭЯ

МЕДЫЦЫНСКІ РАБОТНІК МЯНЯЕ СВАЮ АХОЎНУЮ АМУНІЦЫЮ. ТЭГУ, ПАЎДНЁВАЯ КАРЭЯ

«З 7 студзеня, калі паступіў першы пацыент, ніхто не браў адпачынак. Мы працавалі ў аддзяленні рэанімацыі і інтэнсіўнай тэрапіі (АРІТ) па чарзе. Нават цяжарныя медработнікі не бралі выходных. Пасля пагаршэння эпідэмічнай сітуацыі ніхто з медперсаналу нават не сыходзіў дадому. Мы адпачывалі ў гатэлі каля лякарні або ў самым шпіталі», - распавядаў у інтэрв'ю выданню Caixin Globa доктар Пэн Чжыюнэм, загадчык аддзялення неадкладнай медыцынскай дапамогі ў Паўднёвай цэнтральнай лякарні Універсітэта Уханю.

МЕДЫЦЫНСКІЯ РАБОТНІКІ Ў АХОЎНАЙ АМУНІЦЫІ І СА СПЕЦЫЯЛЬНЫМІ НАСІЛКАМІ. РЫМ, ІТАЛІЯ

У АДДЗЯЛЕННІ ІНТЭНСІЎНАЙ ТЭРАПІІ ШПІТАЛЯ ГОРАДА КРЭМОНЫ, ІТАЛІЯ

МЕДЫЦЫНСКІЯ РАБОТНІКІ Ў АХОЎНАЙ АМУНІЦЫІ ПЕРАВОЗЯЦЬ ПАЦЫЕНТА З ПАДАЗРЭННЕМ НА КАРАНАВІРУС У ІНФЕКЦЫЙНУЮ КЛІНІКУ Ў БЕЛГРАДЗЕ, СЕРБІЯ

ПРЫШЦІНА, КОСАВА

«Вельмі многія пацыенты не маглі быць шпіталізаваныя. Яны крычалі перад шпіталем. Нейкі пацыент нават апусціўся перада мной на калені, каб я прыняў яго. Але я не мог нічога зрабіць, бо ўсе ложкі былі занятыя. Я плакаў, калі адмаўляў ім. Цяпер у мяне скончыліся слёзы. У мяне няма іншых думак, акрамя як зрабіць усё магчымае, каб выратаваць больш жыццяў», - распавядаў доктар Пэн Чжыюнэм.

МЕДЫЦЫНСКІ РАБОТНІК У АХОЎНАЙ АМУНІЦЫІ ПАКАЗВАЕ ПАЦЫЕНТУ ПРАКТЫКАВАННІ ДЛЯ РЭАБІЛІТАЦЫІ. У ПАЛАТАХ ЛЯКАРНІ ЧЫРВОНАГА КРЫЖА Ў ГОРАДЗЕ УХАНЮ, КІТАЙ

ПАЛІЦЫЯНТЫ АДДАЮЦЬ ДАНІНУ ПАВАГІ МЕДЫКАМІ, ЯКІЯ З'ЯЗДЖАЮЦЬ З УХАНЮ. НА ДАПАМОГУ ГОРАДУ, ЯКІ СТАЎ ЭПІЦЭНТРАМ УСПЫШКІ КАРАНАВІРУСУ, З'ЯЗДЖАЛІСЯ СПЕЦЫЯЛІСТЫ З УСЯГО КІТАЯ. ЦЯПЕР ІХ ВАХТА СКОНЧАНАЯ

КАЛЕГІ РАЗВІТВАЮЦЦА ВА УХАНІ І РАЗ'ЯЗДЖАЮЦЦА ПА ДАМАХ З НАДЗЕЯЙ, ШТО САМАЕ СТРАШНАЕ ЎЖО ПРАЙШЛО

МЕДЫЦЫНСКІ ПЕРСАНАЛ ЛЯКАРНІ FUNDACION JIMENEZ DIAZ ДЗЯКУЕ ГАРАДЖАНАМ, ЯКІЯ ПЛЯСКАЮЦЬ ІМ У ЛАДКІ СА СВАІХ ГАЎБЦОЎ НА ЗНАК ПАДТРЫМКІ І ПАДЗЯКІ. МАДРЫД, ГІШПАНІЯ

ПАДЧАС АДПАЧЫНКУ МЕДЫЦЫНСКІЯ РАБОТНІКІ СКАЧУЦЬ ПРАЗ СКАКАЛКУ. УХАНЬ, КІТАЙ

МЕДРАБОТНІК АДПАЧЫВАЕ Ў МАШЫНЕ ХУТКАЙ ДАПАМОГІ. ТЭГУ, ПАЎДНЁВАЯ КАРЭЯ

Ахоўныя ўборы, шчыльна прылеглыя да твару акуляры і маскі. Дванаццацігадзінная змена для лекара і васьмігадзінная - для медыцынскай сястры. Паглядзіце, як выглядаюць медыкі з Італіі, пасля працоўнай змены.

«Гэта толькі некаторыя прыклады вялікіх ахвярапрынашэнняў тых, хто лечыць нас і ратуе нашы жыцці. Калі ласка, зрабіце і сваю частку: вымыйце рукі, прыкрывайце рот падчас кашлю, заставайцеся дома, калі вы сябе адчуваеце не вельмі добра, не насіце маску, калі вы здаровыя», - напісаў у Twitter пад гэтым фота сваіх калегаў кіраўнік СААЗ Тэдрас Гебрэесус.

І, так, па магчымасці заставайцеся, калі ласка, дома, пакуль яны працуюць і рызыкуюць сваімі жыццямі дзеля нас.

Апошнія навіны