Пасля трох дзён маўчання Міністэрства аховы здароўя заявіла аб 152 выпадках каранавірусу ў Беларусі

• 30.03.2020, 15:10

Нават афіцыйныя лічбы пачалі значна павялічвацца.

Паводле інфармацыі на панядзелак 30 сакавіка, у Беларусі 152 выпадкі каранавірусу. Аб гэтым паведамляецца ў афіцыйным Telegram-канале Міністэрства аховы здароўя. Нагадаем, 27 сакавіка на падставе інфармацыі, якую падало міністэрства, былі 94 выпадкі. Пасля гэтага Міністэрства аховы здароўя маўчала тры дні.

У Беларусі не ўведзены карантын, працуюць установы адукацыі, адкрытыя межы. Экспэрты сцвярджаюць, што лічбы, якія прадстаўленыя міністэрствам, не адлюстроўваюць рэальнага становішча спраў. Беларусы адзначаюць, што ў краіне значна павялічылася колькасць захворванняў на пнеўманію.