У Берасцейскай вобласці загінуў жаўнер тэрміновай службы

• 31.03.2020, 20:16

Пра прычыны гібелі не паведамляецца.

У Берасцейскай вобласці 31 сакавіка загінуў вайсковец. Пра гэта паведамляе прэс-служба Міністэрства абароны.

Як паведамляе ведамства, 31 сакавіка ў Ружанскім раёне Берасцейскай вобласці ў выніку парушэння патрабаванняў бяспекі шараговец атрымаў траўму, несумяшчальную з жыццём.

Вайсковец праходзіў службу з траўня 2019 года. Камісія міністэрства ў гэтыя хвіліны высвятляе прычыны таго, што здарылася.

«Міністэрства абароны выказвае спачуванні родным і блізкім шарагоўца ў сувязі з яго смерцю», - гаворыцца ў паведамленні.