У БНТУ датэрмінова касуюць «каранцін»

• 6.03.2020, 18:12

Дыстанцыйнае навучанне студэнтаў БНТУ скончыцца 9 сакавіка.

Пра гэта «Минск-Новости» распавёў першы прарэктар ВНУ Георгій Вяршына.

Навучальны працэс ва ўніверсітэце вернецца ў звычайны рэжым з аўторка.

БНТУ перайшоў на індывідуальнае навучанне ў рэжыме онлайн 28 лютага. Планавалася, што навучальны працэс будзе арганізаваны такім чынам да 15 сакавіка.

У аднаго з замежных студэнтаў ВНУ, які 22 лютага прыбыў у Беларусь, праз 5 дзён дыягнаставалі каранавірус. Пад наглядам медыкаў апынуўся не толькі гэты маладзён, але і іншыя студэнты, а таксама выкладчыкі ўніверсітэта.