Трамп пра каранавірус: Нас чакаюць два вельмі балючыя тыдні

• 1.04.2020, 8:59

У ЗША за адзін дзень ад COVID-19 памерлі 912 чалавек.

Прэзідэнт Злучаных Штатаў Дональд Трамп заявіў, што наступныя два тыдні для амерыканцаў і краіны агулам будуць "вельмі балючымі" ў святле барацьбы з каранавірусам. Пра гэта ён сказаў падчас брыфінгу ў Белым доме ўвечары ў аўторак, 31 сакавіка, паведамляе rbc.ua.

Ён таксама заклікаў жыхароў Штатаў выконваць указанні ўладаў і рэкамендацый лекараў у перыяд карантыну праз распаўсюджванне каранавіруса.

"Для амерыканскага народа абсалютна важна выконваць указанні цягам наступных 30 дзён. Гэта пытанне жыцця і смерці", - падкрэсліў Трамп.

Амерыканскі лідар таксама заявіў, што наступныя два тыдні будуць "вельмі, цяжкімі і балючымі".

"Мы хочам, каб амерыканцы былі гатовыя да цяжкіх дзён", - сказаў Трамп, прадказваючы "святло ў канцы тунэля" пасля гэтага.

Нагадаем, што ў ЗША, упершыню за час з пачатку пандэміі каранавіруса, за адзін дзень ад COVID-19 памерлі 912 чалавек. У цэлым COVID-19 ужо заразіліся больш за 186 000 амерыканцаў. Блізу 3 тысяч памерлі.

На працягу апошняга тыдня ў многіх штатах ЗША быў уведзены рэжым карантыну.