Нуланд назвала Лукашэнку бандытам і анансавала сектаральныя санкцыі ЗША супраць рэжыму

• 25.06.2021, 19:12

Амерыка ўслед за ЕЗ плануе ўвесці сектаральныя санкцыі ў дачыненні да беларускага ўзурпатара.

ЗША ў пытанні санкцый супраць Беларусі паспрабуюць зраўняцца з Еўразвязам, які ўвёў сектаральныя эканамічныя абмежаванні, заявіла намесніца дзяржсакратара ЗША Вікторыя Нуланд, піша сайт ria.ru.

«ЕЗ ідзе на адзін крок наперадзе, увёўшы сектаральныя санкцыі супраць беларускай эканомікі і тых сфер, ад якіх залежыць Лукашэнка. Мы паспрабуем зраўняцца ў гэтым», - сказала Нуланд падчас анлайн-семінара Амерыканскай рады ў Нямеччыне.

Яна назвала беларускага ўзурпатара бандытам. «Лукашэнка даказаў, што ён бандыт не толькі ў сваёй краіне, але і міжнароднага маштабу», - заявіла Нуланд.