У Нямеччыне большасць ковідных пацыентаў у рэанімацыі - непрышчэпленыя

• 13.01.2022, 21:15

У Нямеччыне поўную базавую імунізацыю ад каранавіруса атрымалі 72,3 працэнта жыхароў.

У Нямеччыне амаль дзве траціны каранавірусных пацыентаў у аддзяленнях інтэнсіўнай тэрапіі непрышчэпленыя, вынікае з сумесных звестак Інстытута імя Роберта Коха (RKI) і Аб'яднання лекараў-рэаніматолагаў (DIVI), апублікаваных у чацвер, 13 снежня, паведамляе DW.

Згодна з гэтымі звесткамі, з амаль дзевяці тысяч пацыентаў з устаноўленым статусам вакцынацыі непрышчэпленымі былі 62 працэнты. Яшчэ дзесяць працэнтаў стацыянарных каранавірусных хворых імунізаваны няпоўнасцю (ачунялі без прышчэпкі або былі прышчэплены няпоўнасцю). Пры гэтым 28 працэнтаў ковідных хворых у рэанімацыі былі прышчэплены поўнасцю або нават атрымалі бустарную прышчэпку.

Гэтыя звесткі датычацца перыяду з 14 снежня да 12 студзеня. RKI і DIVI падкрэсліваюць, што звесткі ў гэтай форме не прызначаны для таго, каб ацэньваць эфектыўнасць прышчэпак ад каранавіруса – для гэтага неабходна суаднесці іх з агульным узроўнем вакцынацыі насельніцтва. На 13 студзеня ў Нямеччыне поўную базавую імунізацыю ад каранавіруса атрымалі 72,3 працэнта жыхароў.