У Беларусь з Кітая даставілі 3 мільёны доз вакцыны Vero Cell

• 21.01.2022, 16:40

Такая вялікая партыя прыбыла да нас упершыню.

У Беларусь прыбыў рэйс з Кітая, які даставіў у нашу краіну 3 мільёны доз вакцыны SARS-CoV-2 Vaccine (Vero Cell) кампаніі Sinopharm. Палову доз закупіла Міністэрства аховы здароўя, другую палову Кітай перадаў Беларусі ў якасці бязвыплатнай дапамогі.

Як паведамляе Міністэрства аховы здароўя, такая вялікая партыя вакцыны прыбыла ў Беларусь упершыню.

Самалёт Іл-76 авіякампаніі Ruby Star ужо прызямліўся ў Нацыянальным аэрапорце Мінск. 1,5 млн доз закупіла ў Кітая Міністэрства аховы здароўя Беларусі, і яшчэ 1,5 млн кітайскі бок перадаў Беларусі ў якасці замежнай бязвыплатнай дапамогі. Таксама з Кітая дастаўлены 1,5 млн шпрыцаў.

Менавіта кітайскай вакцынай Vero Cell пачалі прышчэпліваць дзяцей ва ўзросце 12-17 гадоў супраць COVID-19.