Канцлер Аўстрыі захварэў на COVID-19

• 8.01.2022, 15:10

Сімптомаў у яго няма.

Канцлер Аўстрыі Карл Нехамер заразіўся каранавірусам. Інфікаванне пацвердзілася пасля двух станоўчых ПЛР-тэстаў. Пра гэта ў пятніцу, 7 студзеня, паведамляе APA.

Канцлер, як мяркуецца, заразіўся ад супрацоўніка службы бяспекі, з якім кантактаваў 5 студзеня. Цяпер ён адправіўся на карантын і працуе з дому. Сімптомы хваробы ў Нехамера не выяўляюцца. Акрамя таго, у канцылярыі паведамілі, што кіраўнік урада тройчы рабіў прышчэпку ад каранавіруса.

Як паведамляе агенцтва са спасылкай на прадстаўніка канцлера, пакуль незразумела, ці заразіўся ён штамам «Амікрон».

Жонка і дзеці кіраўніка ўрада здалі адмоўныя ПЛР-тэсты.