Працоўны БМЗ пра эпідэмію каранавіруса: Працаваць няма каму, нават да боек даходзіць

• 4.02.2022, 15:37

Чарга ў завадскую паліклініку стаіць на вуліцы.

Працоўны Беларускага металургічнага завода (БМЗ) у Жлобіне расказаў аб сітуацыі з каранавірусам на прадпрыемстве. Словы супрацоўніка БМЗ публікуе тэлеграм-канал БАР:

- Чарга ў завадскую паліклініку стаіць на вуліцы - усярэдзіне хоць і шмат месца, але не праціснуцца. Лісткі людзям выпісваюць, тут праблем няма. Аднак хворых вельмі шмат - усе лаюцца, нават да боек даходзіць.

У адным з цэхаў на бальнічным блізу 70 чалавек з 600. У сталедрацяных цэхах, іх тры на прадпрыемстве, хворых яшчэ больш, — расказвае работнік прадпрыемства.

Што да буйных беларускіх прадпрыемстваў, то, напрыклад, на "Гродна Азоце" зараз на лістках непрацаздольнасці знаходзяцца 511 чалавек. Агулам на прадпрыемстве працуе блізу 7 тысяч чалавек.