Вядомы лекар: «Омікрон» змяніў усё

• 4.02.2022, 11:13

Медык мяркуе, што цяпер заразнасць «Омікрона» набліжаецца да заразнасці адру.

Вядомы ўкраінскі лекар Яўген Камароўскі агучыў несуцяшальны прагноз што да каранавіруса. Ён думае, што новы штам «Омікрон» з'яўляецца вельмі заразным і «прыйдзе ў кожную насаглотку», піша unian.net.

Камароўскі расказаў, чаму нават прышчэпленыя двума прышчэпкамі людзі могуць заразіцца каранавірусам. Са слоў лекара, вакцына дапамагае часткова нейтралізаваць вірус, каб той не змог забіць чалавека. Але поўнай абароны ад каранавіруса вакцына даць не можа. Ён таксама звярнуў увагу, што праз імклівае распаўсюджвання штаму «Омікрон» колькасць хворых будзе толькі расці.

«Мы, увогуле, на сёння павінны прызнаць наступнае: заразнасць «Омікрона» набліжаецца да заразнасці адру. Гэта значыць гэта адна з самых заразных інфекцый, якія існуюць на зямной кулі. Параўнацца з адром не можа, мусіць, нішто. І «Омікрон» практычна такі ж. Таму, як я сказаў месяц таму, «Омікрон» прыйдзе ў кожную насаглотку... Ніякія маскі, ніякія супрацьэпідэмічныя мерапрыемствы не спрацуюць. Мы ўсе атрымаем гэты вірус. Чым гэта скончыцца? Хутчэй за ўсё, тыя, хто прышчэплены, хто ўжо хварэў, атрымаюць лёгкую форму захворвання», - адзначыў Камароўскі.

Лекар намагае на важнасці вакцынацыі. Паводле слоў Камароўскага, непрышчэпленым людзям будзе больш складана змагацца з «Омікронам». Ён адзначыў, што людзі, якія ўжо атрымалі дзве прышчэпкі, павінны задумацца аб трэцяй дозе, так званым «бустэры».

«Усе прагнозы што да каранавіруса разбіваюцца. «Омікрон» перакуліў усё... Здавалася б, «Дэльта» ўжо якая заразная была, але ўявіць сабе, што магчымы каранавірус заразнейшы за «Дэльту»" ў некалькі разоў - гэта наогул», - сказаў Камароўскі.