«З лячэння прапанавалі толькі спрэй ад катару»: апавяданне захварэлага на «омікрон» беларуса

• 4.02.2022, 16:28

Сімптомы і падзеі першага тыдня хваробы, апісаныя па днях.

Тэлеграм-канал COVID-19 BY апублікаваў апавяданне хворага на на «омікрон» беларуса:

- Я разлічваў, што буду спаць па чатыры гадзіны на дзень і мяне вірус не закране. На што спадзяваўся? Прыйшоў мой час. Два гады не хварэў. Прастудзіўся ў чацвер. Прыйшоў з прастудай на працу, зрабіў тэст. Адмоўны. Зразумела, я ж прышчэплены!

На выходных сімптомы грыпу: балюча глядзець у бок, кашаль, катар. Па вечарах узнімаецца тэмпература, з'явіліся дрыжыкі. Ну, грып. Тэст бо адмоўны. Тэлефаную начальніку: так і так, грыпую, заўтра застануся дома.

Панядзелак. Апошні дзень студзеня. Тэлефануе начальнік: захварэлі, не дашлі некалькі чалавек, схадзі здай афіцыйны тэст у лабараторыі. Запісаўся.

Аўторак. Люты. Прыходжу да цэнтра тэставання на covid-19. 5 хвілін чарга на вуліцы. 2 хвіліны мазок у адным з пяці часовых кабінетаў-домікаў. Здаў.

- Дзе пачакаць вынік?

- Дома чакайце. У інтэрнэце праз дзень вынік будзе. Будзьце здаровыя.

Кіно! Еўропа! Тыя, хто прыехаў на аўто - стаяць у чарзе з аўтамабіляў. Яны здаюць мазок з насаглоткі, не выходзячы з аўто. Вось так на аўто заязджаюць у белы ангар-намёт. Іх тамака такіх некалькі ангараў. Усё для людзей. Персанал працуе ў ахоўных халатах. У іх ёсць там пакой, каб сагрэцца.

Серада. Лютага 2. Прылятае SMS: «Вы здавалі тэст, вынік можаце паглядзець на вось такіх сайтах». Інтэрнэт. Вынік тэсту - станоўчы. Час неяк адкрыць бюлетэнь у паліклініцы. Я сюды не хварэць прыехаў, - дзе тут якая паліклініка? Інтэрнэт. Рэгістрацыя ў любой (абраў найбліжэйшую) паліклініцы. Адзіны недахоп сэрвісу – запіс да доктара а сёмай раніцы праз тэлефон.

Чацвер. 3 лютага. 7:10 раніцы. Лінія вольная. Дазваніўся імгненна. Запісаўся да доктара. Доктар патэлефануе мне. «Лекар прымае з 7:00 да 13:30, але ў сувязі з вялікай колькасцю наведвальнікаў можа здарыцца так, што доктар вам патэлефануе пасля змены», - сказалі ў рэгістратуры.

Апоўдні патэлефанавала лекарка, спытала самаадчуванне і сімптомы. З лячэння прапанаваны спрэй ад катару. Зразумела. Тэмпературы няма - яе збіваць не трэба, сам ковід лячыць тое і няма чым. Паўторная размова з лекаркай прызначаная на панядзелак. Прасіла выздараўліваць і не выключаць тэлефон. Калі будзе пагаршэнне самаадчування - тэлефанаваць у паліклініку. Я не спытаў, дзе і як я забяру бюлетэнь. Не здзіўлюся, калі з рэгістратуры яго лістом адправяць па месцы працы.

Пятніца. Рэгулярна п'ю гарачую гарбату. Выконваю пасцельны ляжым. Зычу ўсім бадзёрага здароўя, і моцнага настрою. Менавіта так!

Меркаванне рэдакцыі

Першае. Калі вы адчуваеце нейкія прыкметы прастуды - калі ласка, заставайцеся дома. Гэта датычыцца і лекараў! Вы можаце большую колькасць людзей заразіць, чым выратаваць.

Другое. Тэсты з аптэкі могуць быць недакладнымі.

Трэцяе. Вакцына не гарантуе, што вы не заразіцеся. Аднак, прышчэпка змяншае імавернасць захворвання, і рызыку цяжкіх наступстваў.

Чацвёртае. Мы ўсе вартыя жыць у дзяржаве, якая не прымушае дактароў працаваць у тры змены, а пацыентаў з прыкметамі прастуды - ісці ў паліклініку.

Важнае! Беражыце сябе. Беражыце ваш імунітэт: не крадзіце ў сябе час сну і адпачынку, ешце карысную ежу. Будзьце здаровыя!