У паліклініках адмаўляюць у тэстах на каранавірус

• 5.02.2022, 16:29

Беларусы падзяліліся сваімі гісторыямі.

Сайт Charter97.org публікуе лісты чытачоў:

- Менск. Не адчуваю пахаў і смаку, баліць галава, нос закладзены і кашаль. У 9-й гарадской паліклініцы сказалі, што яны тэсты цяпер не робяць, нельга здаць нават платны тэст. Шукалі ў аптэках і толькі ў адной з 4 засталося 13 экспрэс-тэстаў. У папярэдніх аптэках іх разбіралі вокамгненна. Вынік экспрэс-тэсту з аптэкі выявіўся станоўчым.

- У Бараўлянах паліклініка з 3 лютага не робіць тэсты ні дарослым, ні дзецям. Паказвалі пастанову Міністэрства аховы здароўя. Жонка яшчэ паспела, здала 01.02. Сказалі, што вынік будзе толькі 04.02, хаця ў гэты дзень ужо трэба было лісток непрацаздольнасці закрываць. Вынік - тэст станоўчы.

- Менскі раён. Жонка прыйшла з тэмпературай у паліклініку, лісток непрацаздольнасці адразу далі. Сказалі, што тэст забаранілі рабіць.

- Учора захварэла, у 40-й паліклініцы Менска адразу адправілі ў чырвоную зону. Тэст не зрабілі, лекарка сказала, што цяпер тэсты скасавалі. Далі лісток непрацаздольнасці на тыдзень, прызначылі лячэнне ад каранавіруса. Дыягназ ставілі па сімптомах.