Як беларусам не пераблытаць «омікрон» з прастудай?

• 7.02.2022, 15:32

Пяць сімптомаў новага штаму каранавіруса.

- Мы вакцынаваліся ад «ковіда», але цяпер злеглі ўсёй сям'ёй ці то ад прастуды, ці то ад чагосьці яшчэ. Стан у прынцыпе нармальны. Але хацелася б ведаць, што з намі. Ці ёсць нейкія прыкметы, якія дазваляюць зразумець, што, дапусцім, у нас «омікрон», які, як кажуць, цяпер у актыўнай фазе? - пытаюцца ў aif.by менчукі.

Так, у вакцынаваных ад каранавіруса пры заражэнні штамам «омікрон» ёсць пэўныя сімптомы, заявіў брытанскі эпідэміёлаг прафесар Цім Спектар у сваім артыкуле для The Conversation.

Са слоў прафесара, мутацыя віруса выклікае сімптомы, падобныя да прастуды. Сярод іх катар, чханне, стомленасць, галаўны боль і боль у горле. Як сцвярджае навуковец, толькі палова пацыентаў назіралі ў сябе такія распаўсюджаныя сімптомы хваробы, як падвышаная тэмпература, кашаль і адсутнасць нюху.

«Омікрон» выклікае сімптомы, якія больш падобныя на звычайную прастуду, асабліва ў вакцынаваных людзей, і меншыя за агульныя сістэмныя праявы», - мяркуе эпідэміёлаг.

Сімптомы, выкліканыя рознымі варыянтамі COVID-19, вельмі падобныя на прыкметы звычайнай прастуды. Як сцвярджае Спектар, немагчыма дакладна ўстанавіць прычыну захворвання, засноўваючыся толькі на сімптомах. З ягоных слоў, боль у горле, катар або незвычайная стомленасць павінны разглядацца як COVID-19 датуль, пакуль чалавек не пройдзе тэставанне.