У беларускіх «хуткіх» пачаліся праблемы з кіслародам

• 9.02.2022, 14:27

Сур'ёзны званочак для ўсёй медыцыны.

«Белыя халаты» паведамляюць аб праблемах з кіслародам у беларускіх «хуткіх»:

- На «хуткай» горада Берасця таксама заўважаны недахоп кіслародных балонаў для паўнавартаснай працы ў чарговую хвалю пандэміі.

Запраўка балонаў робіцца толькі 3 разы на тыдзень, чаго, відавочна, не стае. На выходных брыгады застаюцца «пустыя», пры гэтым візітаў у выходныя дні менш не становіцца.

Цяжкія кіслародазалежныя пацыенты ёсць у вялікай колькасці і ў гэтую хвалю і транспартаваць іх без кіслароднай падтрымкі - даволі небяспечна і цяжка.

Пытанне аб праблемах з кіслародам не раз уздымалася медыкамі. «Даслоўна на кожнай пяціхвілінцы патрабуем развязаць пытанне» - кажуць калегі.

Але воз, на жаль, і цяпер тамака.