У Печах загінуў вайсковец

• 15.09.2022, 18:53

Ён быў інструктарам па кіраванню аўтатранспартам.

У навучальным цэнтры ў Печах загінуў вайсковец - інструктар па кіраванню аўтатранспартам. Пра гэта паведамляе прэс-служба Мінабароны.

«Падчас правядзення планавых заняткаў у 72-м гвардзейскім аб'яднаным навучальным цэнтры падрыхтоўкі прапаршчыкаў і малодшых спецыялістаў у выніку парушэння правілаў эксплуатацыі тэхнікі вайсковец, інструктар па кіраванню аўтатранспартам атрымаў траўму, несумяшчальную з жыццём», - гаворыцца ў паведамленні.

Пры якіх абставінах вайсковец атрымаў несумяшчальную з жыццём траўму, не паведамляецца.

Камісіяй Міністэрства абароны з прадстаўнікамі праваахоўных органаў праводзіцца праверка.