У Расеі затрымалі консула Японіі

• 26.09.2022, 18:47

Вінавацяць у «шпіянажы».

У Расеі заявілі пра затрыманне японскага консула Матакі Тацуноры нібыта за «шпіянаж».

Паводле дыпламатычных каналаў японскаму боку заяўлены пратэст, а сам консул абвешчаны персонай нон грата.

Пра гэта паведамляе «РІА Навіны».

«Консул затрыманы з доказамі злачынства пры атрыманні за грошы звестак абмежаванага распаўсюджвання пра актуальныя аспекты супрацоўніцтва Расеі з адной з краінаў Азіяцка-Ціхаакіянскага рэгіёну, уплыве санкцыйнай палітыкі Захаду на эканамічную сітуацыю ў Прыморскім краі», – піша выданне.