На літоўска-беларускай мяжы заўважылі «чарапашак-ніндзя»

• 28.01.2023, 20:27

Беларусы вынайшлі арыгінальны спосаб перавозу аўтамабільных запчастак.

На мяжы людзі ва ўсе часы адрозніваліся кемлівасцю. На днях у літоўскім пункце пропуску сустрэліся новыя вынаходнікі, амаль «чарапашкі-ніндзя».

Відавочца зафатаграфаваў, як двое мужчын неслі праз пункт пропуску «Шальчынінкай-Беняконі» запчасткі ад аўтамабіляў, піша «АвтоГродно».

З дапамогай скотчу яны прывязалі да сваёй спіны дзверы ад легкавушак. У кагосьці гэтыя хлопцы выклікалі захапленне, у кагосьці здзіўленне, але галоўнае, што запчасткі ўжо ў Беларусі і на гэта «чаўнакі» змарнавалі мінімальны час.

Раней сайт Charter97.org паведамляў, што ў Беларусь на фоне дэфіцыту вярнуліся «чаўнакі».

.