Палкоўнік УСУ: Вуглядар - важны плацдарм для контрнаступу

• 28.01.2023, 20:40

За Вуглядарам сканцэнтраваныя два паселішчы, якія засланяюць тыл УСУ і важны лагістычны вузел.

Прасоўванне пад Вуглядарам дапаможа Узброеным сілам Украіны ажыццяўляць контрнаступальныя дзеянні ў Данецкай вобласці і дэакупаваць тэрыторыі. Зрэшты, расейцы таксама востраць зубы на гэты кірунак.

Пра гэта «24 каналу» расказаў палкоўнік запасу УСУ, вайсковы эксперт, лётчык-інструктар Раман Світан. Паводле ягоных слоў, Вуглядар – ключавы пункт.

Раман Світан растлумачыў, што, па-першае, з Вуглядара можна ісці і ў бок Валнавахі, калі будзе пастаўленая задача выходзіць на Марыюпаль.

- Гэта аптымальны варыянт прасоўвання ўздоўж дарогі з Данецка ў Марыюпаль, - падкрэсліў ён.

На ягоную думку, падзеі могуць разгортвацца і паводле другога сцэнару.

- Калі будзе прынятая пастанова выходзіць не на Марыюпаль, а на Новаазаоўск, гэта таксама вельмі добры і ўжо гатовы плацдарм для выканання гэтай задачы, - расказаў ён.

У такім выпадку УСУ будуць прасоўвацца на Аленаўку, потым крыху на поўнач ад Новаазоўска праз Тэльманава.

- Для выканання двух дзеянняў нашых войскаў менавіта Вугледар з'яўляецца адным з найважнейшых пунктаў. Таму расейцы і спрабуюць яго нівеляваць, - падкрэсліў ён.

Да таго ж акупанты таксама маюць свае планы на Вуглядар. Палкоўнік УСУ адзначыў, што Вуглядар - гэта плацдарм для выканання далейшага прасоўвання ўкраінскага войска падчас прарыву на Азоўскім узбярэжжы каля Марыюпаля.

- З-пад Вуглядара можна выйсці ў бок Валнавахі, перацяць чыгуначнае злучэнне і далей блізу 100 кіламэтраў да Марыюпаля, - засяродзіў увагу ён.

Світан расказаў, што за Вуглядарам сканцэнтраваныя два паселішчы, якія засланяюць тыл УСУ і важны лагістычны вузел.

Што з Бахмутам

Палкоўнік УСУ адзначыў, што цяпер рэч нават не ў самім Бахмуце, а ў пэўных перыядах абароны на Данбасе.

- Цяпер, пакуль расейцы на Данбасе маюць перавагу ў артылерыі, баявых прыпасах і жывой сіле, нам аптымальна ўтрымліваць там рэжым абароны, - растлумачыў ён.

Са слоў Світана, украінскія вайскоўцы выйшлі з Салядара, бо яго было не выгадна ўтрымліваць паміж цывільнымі будынкамі, а прамысловую зону расейцы «перамалолі ў пыл». Паводле такой жа схемы будуць дзейнічаць УСУ і ў Бахмуце.

- Прамысловая зона Бахмута трымаецца, таму яго можна ўтрымліваць менавіта ў прамысловай зоне і ў абшары разбітых шматпавярховікаў, - адзначыў ён.

Да таго ж прыяе ўкраінскім абаронцам рака Бахмутка, якая дазваляе далей трымаць абарону.