Магутны выбух у Джанкоі: Разгромлены склад войска РФ

• 1.10.2023, 14:33

Акупанты заявілі пра прылёт ракеты С-200.

У часова акупаваным Крыме ў раёне Джанкоя 1 кастрычніка чулі моцны гук выбуху. Папярэдне, на паўвостраў заляцела ракета, паведамляе obozrevatel.com.

Мясцовыя жыхары бачылі дым, які ўзнімаўся ў неба. Тым часам расейскія захопнікі зрабілі справаздачу, што супрацьпаветраная абарона УС РФ «збіла варожую цэль», а аскепкі пашкодзілі складскія памяшканні. Адпаведную заяву зрабіў т.зв. «кіраўнік» Крыма Сяргей Аксёнаў.

Суполка «Крымскі вецер» паведаміла, што выбух прагрымеў блізу 12:37. Яго чулі жыхары Джанкойскага і Краснаперакопскага раёнаў.

Акупант Алег Кручкоў, дарадца Аксёнава, выказаў меркаванне, што збілі «ўкраінскую ракету С-200».