Аперацыя «Барыня»: частка выведзеных вайскоўцаў хоча вярнуцца ў Расею

• 2.10.2023, 15:56

У ГУВ прыдумалі хітрую схему.

30 верасня ГУВ паведаміла, што паспяхова правяло спецаперацыю "Барыня", у выніку якой выпала завербаваць расейскага кадравага вайскоўца Данііла Алфёрава. Ён прывёў у палон 11 акупантаў.

Частка з іх заявіла, што хоча вярнуцца назад у Расею ў межах абмену. Украіна не будзе паведамляць расейскай старане, што яны здаліся ў палон самахоць, пра гэта паведаміў прадстаўнік Галоўнай управе выведкі Мінабароны Украіны Андрэй Юсаў у эфіры нацыянальнага тэлемарафона.

«Адрозна ад аперацыі з гелікаптэрам Mі-8, дзе пілот сам выйшаў на прадстаўнікоў украінскіх спецслужбаў, у гэтай сітуацыі ГУВ выйшла на лейтэнанта Алфёрава.

...праз сацсеткі (выйшлі — рэдакцыя). Гэты кантакт быў удалы. Нягледзячы на тое, што Алфёраў быў кадравым вайскоўцам, ён быў проці вайны супраць Украіны, і змушаны да падпісання кантракту гвалтам. Ён не хацеў быць ваенным злачынцам і асуджаў дзеянні ўрада Пуціна.

Таму далей пачалося ўзаемадзеянне з дбайнымі праверкамі.

... Частка з 11 выведзеных расейскіх вайскоўцаў ужо думае, каб вярнуцца ў Расею ў рамках абмену. Украіна не будзе адзначаць, што яны здаліся ў палон ахвотна», — паведаміў Юсаў.

Паводле ягоных слоў, у рамках аперацыі, акрамя здачы ў палон, таксама была атрыманая вельмі каштоўная інфармацыя, якая дазволіла захаваць жыццё ўкраінскіх вайскоўцаў, а таксама зламаць пэўныя варожыя планы.