Затрыманыя два экс-кіраўнікі Нагорнага Карабаха

• 3.10.2023, 20:46

Разам з імі затрыманы былы спікер так званага парламента.

Супрацоўнікі Службы дзяржбяспекі Азербайджана затрымалі так званых былых прэзідэнтаў Нагорнага Карабаха Аркадзя Гукасяна і Бако Саакяна, паведамляе азербайджанскае агенцтва АПА.

Разам з імі таксама быў затрыманы былы спікер так званага парламента рэспублікі Давід Ішханян. Усе яны дастаўленыя ў Баку ў рамках пачатых супраць іх крымінальных справаў. Паводле якіх артыкулаў вядзецца расследаванне, агенцтва не ўдакладняе.