Федарэнка: Расейскія «мобікі» трапляюць у пастку ва Украіне, але маюць адзін шанец
- 4.10.2023, 16:33
Камандзір роты ўкраінскіх ударных БПЛА - аб сітуацыі на Бахмуцкім адрэзку фронту.
На ўсходзе Украіны працягваюцца разлютаваныя баі паміж Сіламі абароны Украіны і расейскімі акупантамі. Украінскім абаронцам даводзіцца выбіваць ворага ці ледзь не з кожнай нары. Да таго ж акупантам няма куды ўцякаць, бо за спінамі іх гатовыя расстрэльваць кадыраўцы. Так што адзіны шанц «мобікам» застацца ў жывых - здацца ў палон.
Больш падрабязна аб сітуацыі на Бахмуцкім адрэзку фронту, аб павелічэнні колькасці БПЛА ў ворага і аб тым як украінскія валанцёры пераадольваюць кітайскія абмежаванні па экспарту цывільных дронаў - «Апострофу» распавёў камандзір роты ўдарных беспілотных авіяцыйных комплексаў «Ахілес» 92-й асобнай механізаванай брыгады атамана Івана Сірко Юры Федарэнка.
- Якая сітуацыя на вашым адрэзку фронту?
- Наш кірунак застаецца адным з прыярытэтных для супраціўніка. Ворагу зверху ставяцца дакладныя задачы. Першае - выбіць Сілы абароны з тых пазіцый, якія былі дэакупаваныя УСУ. Другое - максімальна прыпыніць контрнаступальныя дзеянні Сіл абароны.
На нашым адрэзку вораг выкарыстоўвае ўвесь свой ударна-штурмавы патэнцыял - гэта мабілізаваныя, ППК «Шторм Z», элітныя падраздзяленні вс рф, кадыраўцы і г.д. А таксама вораг задзейнічае ўвесь свой ударны тэхнічны патэнцыял - ад гармат, БПЛА да самалётаў і верталётаў. Нягледзячы на ўсе патугі супраціўніка, усе пазіцыі, якія мы дэакупавалі, застаюцца за Сіламі абароны.
На вузкіх адрэзках, па флангах горада Бахмута, нашыя войскі працягваюць наступальныя дзеянні і кожны дзень ёсць прасоўванне наперад - дзесьці гэта можа быць 10 метраў, дзесьці 100-150 метраў. Тут важна зразумець, што супраціўніка з кожнай траншэі, з кожнага акопа, з кожнай нары даводзіцца стала выбіваць. А вораг не адступае. Таму што ў войску Расеі кадыраўцы стаяць ззаду войскаў у выглядзе загараджальных атрадаў і страляюць ва ўсіх, хто ўцякае з поля бою. Акрамя таго, акупанты мінуюць свае ж пазіцыі, каб таксама зрабіць немагчымым адступленне. Таму вораг альбо стаіць да апошняга, але гэта гарантаваная смерць ад УСУ, альбо здаецца ў палон.
- Да вас пытанне, як да камандзіра роты ўдарных БПЛА: расейцы мадэрнізавалі «ланцэты» - быццам бы радыус дзеяння павялічыўся да 70 км. Як гэта адбілася на баявых дзеяннях? Ці адчуваецца гэта на перадавой?
- У «ланцэтаў» павялічыўся і радыус дзеяння, і хуткасць перасоўвання, што абцяжарвае іх заўчаснае выяўленне і збіццё. Што да БПЛА вядзецца сталая работа па мадэрнізацыі як намі, так і ворагам. Гэты кірунак эфектыўны і прыярытэтны. Таму што дае магчымасць бачыць ворага на полі бою і ўдзень, і ўначы, і знішчаць яго з хірургічнай дакладнасцю.
Наконт процідзеяння «ланцэтам». Сілы абароны прывыклі да процідзеяння звычайным «ланцэтам», пачынаючы ад маскіроўкі пазіцый, перамяшчэння асабовага складу і г.д. За кошт сродкаў радыёэлектроннай выведкі ўдаецца заўчасна іх выяўляць і збіваць з дапамогай СПА і іншых сродкаў. Новыя выклікі, якія паўсталі перад намі праз мадэрнізацыю гэтых дронаў-камікадзэ - сапраўды будуць пераадоленыя!
Вельмі важна, каб дынаміка вытворчасці БПЛА ва Украіне ўвесь час павялічвалася з кожным днём. Многія пастановы, якія мы рэалізуем сёння, патрабаваліся да рэалізацыі яшчэ на пазаўчора.
- З 1 верасня Кітай увёў абмежаванні на пастаўку камплектуючых у цывільныя БПЛА. Штомесяц нашы вайскоўцы выкарыстоўваюць да 10 тысяч дронаў. На лініі фронту адбіваецца кітайскае абмежаванне?
- Вядома. Усё, што тычыцца паставак - гэта адчувальна як у цэнавай палітыцы, так і ў колькасці дронаў. Але няма тых выклікаў, з якімі не справіўся б украінскі народ. Я не буду расказваць пра алгарытм, але кажу так: украінцы знаходзяць шчыліны, каб даставаць неабходныя тэхнічныя сродкі для БПЛА з Кітая.