NASA плануе пабудаваць дамы на Месяцы

• 4.10.2023, 21:38

Ужо да 2040 года.

Навукоўцы касмічнага агенцтва NASA плануюць пабудаваць дамы на Месяцы ў найбліжэйшыя 17 гадоў, цяпер яны пачалі працу з будаўнічымі тэхналагічнымі фірмамі і касмічнымі архітэктарамі, піша New Voice.

Згодна з планам, у якасці будаўнічых матэрыялаў навукоўцы выкарыстоўваюць месяцовы пыл і каменную дробку, каб стварыць бетон для першых збудаванняў на Месяцы.

«Мы знаходзімся ў вызначальным моманце, і ў некаторым сэнсе гэта падобна на паслядоўнасць мараў», – сказала New York Times дырэктарка ў развіцці тэхналогій NASA Нікі Веркхайзер.

Месяцовы пыл вельмі тонкі і кружыць над паверхняй планеты.

Ён таксічны і абразіўны, але калі на зямлі можна пабудаваць дамы, выкарыстоўваючы знойдзены тут грунт і мінералы, даследнікі спадзяюцца зрабіць тое самае ў космасе.