Ізраільскія вайскоўцы паказалі на відэа захоп штаба брыгады ХАМАСа «Зайтун»

• 21.11.2023, 9:32

У шахтах тунэляў пад камандным пунктам тэрарыстаў знайшлі важны аб'ект.

Прэсавая служба ЦАХАЛу апублікавала ўвечары 20 лістапада відэа баявых дзеянняў з сялібы Зайтун у зоне Газа, паведамляюць «Дэталі».

Ізраільскія вайскоўцы вядуць там баі ў гарадской забудове з батальёнам ХАМАСа захватили центральный штаб батальона "Зайтун". Супраціўнік замацаваўся ў цэнтры жылых кварталаў, сярод шпіталяў, школ і дзіцячых садкоў.

На кадрах паказана, як выглядаюць баі ў мескай забудове. Пяхоце даводзіцца рухацца літаральна ад будынка да будынка.

У сялібе Зайтун дзейнічаюць інжынерна-пяхотныя і танкавыя сілы 36-й дывізіі «Гааш» (у яе склад уваходзіць і пяхотная брыгада «Галані»).

Ізраільскія вайскоўцы ўжо захапілі цэнтральны штаб батальёна "Зайтун" і камандны пункт камандзіра брыгады места Газы.

Унутры адной з мячэцяў у гэтай сялібе ізраільскія вайскоўцы знайшлі цэх для вырабу ракет, шахту, якая вядзе ў тунэлі, вялікую колькасць выбухоўкі, зброі і беспілотнікаў.

У Зайтуне таксама была знойдзена вытворчасць ракет групоўкі "Ісламскі джыхад", у тым ліку — цяжкіх і далёкіх ракет.

Байцы адшукалі ў гэтым абшары стартавыя шахты ракет і знішчылі іх.

«У апошнія дні баёў 36-й дывізіі ў Зайтуне мы ўвесь час сутыкаліся з супраціўнікам, які хаваецца за дзецьмі, жанчынамі і цывільнай інфраструктурай. Жаўнеры дывізіі, дзейнічаючы ў складанай зоне баявых дзеянняў у гарадской мясцовасці, выявілі тэрарыстаў, якія хаваліся ў жылых раёнах, і зліквідавалі шмат каго з іх», — расказаў камандзір 36-й дывізіі Дадо Бар-Каліфа.