Навукоўцы назвалі 20 прафесій, якія знікнуць праз тэхналогіі

• 11.12.2023, 19:11

Спіс.

Нейрасеткі, ШІ-сэрвісы, вялікія моўныя мадэлі (LLM) – усё гэта можа паставіць пад пагрозу амаль любога чалавека. Аднак некаторыя прафесіі могуць і зусім стаць незапатрабаванымі праз скачок у IT-сферы. Пра гэта абвяшчае даследаванне Міністэрства адукацыі Вялікай Брытаніі.

Паводле звестак навукоўцаў, у найбліжэйшыя гады блізу 30% працоўных месцаў па ўсім свеце могуць быць занятыя чат-ботамі і нейрасеткамі. Усяго эксперты вылучылі 20 спецыяльнасцяў, якія знаходзяцца пад пагрозай.

Гэтыя 20 прафесій у небяспецы праз ШІ:

1. Юрысты

2. Адвакаты

3. Псіхолагі

4. Бухгалтары

5. Эканамісты

6. Маркетолагі

7. HR-мэнэджары

8. Інжынеры-будаўнікі

9. Крэдытныя кантралёры

10. Мэнэджары ў разліку ЗП

11. Мэнэджары і дырэктары ў закупках

12. Фінансавыя мэнэджары і дырэктары

13. Дзяржслужбоўцы ў апараце ўраду

14. Спецыялісты ў бізнэсе і сумежных пытаннях

15. Фінансавыя мэнэджары ў працы з кліентамі

16. Бізнэс-аналітыкі і кансультанты ў мэнэджмэнце

17. Кансультанты ў адукацыі і школьныя інспектары

18. Інвестыцыйныя і фінансавыя аналітыкі / кансультанты

19. Спецыялісты ў галіне бізнэсу, даследаванняў і кіравання

20. Спецыялісты ў кіраванні бізнэс- і фінансавымі праектамі

Калі верыць Міністэрству адукацыі Вялікай Брытаніі, ШІ заменіць тысячы людзей, якія працуюць у галіне юрыспрудэнцыі, фінансаў, кіравання, бізнэсу і HR. На дзіва, у спісе навукоўцаў няма журналістаў, пісьменнікаў і іншых спецыяльнасцяў, звязаных з тэкстам. Відаць, гэта звязана з тым, што ў працы з тэкстам патрэбныя не толькі алгарытм і веды, але і творчы падыход.

Спакойнымі могуць быць усе, чыя прафесія звязаная з фізічнай працай. Сярод іх трэнеры, будаўнікі, прыбіральнікі, страхары, мантажнікі.