Ізраіль паказаў, як выглядае найбуйнейшая схованка са зброяй ХАМАСа ў сектары Газа

• 6.12.2023, 14:26

Частка зброі была знішчаная.

У Арміі абароны Ізраіля (ЦАХАЛ) паведамілі, што войскі 460-й бранятанкавай брыгады і 50-га батальёна брыгады Нахаль знайшлі адну з найбуйнейшых схованак са зброяй тэрарыстаў падчас аперацый на поўначы сектара Газа.

У тайніку, размешчаным каля паліклінікі і школы, знаходзіліся сотні РПГ, дзясяткі супрацьтанкавых ракет, дзясяткі выбуховых рэчываў, ракеты далёкага дзеяння, дзясяткі гранат і некалькі дронаў.

У ЦАХАЛа заявілі, што частка зброі была знішчаная, а іншая вывезеная ў Ізраіль для далейшага расследавання.

«Уся тэрарыстычная інфраструктура была знойдзена каля цывільных будынкаў, у самым сэрцы мірнага насельніцтва. Гэта яшчэ адзін довад цынічнага выкарыстання тэрарыстычнай арганізацыяй ХАМАС жыхароў Сектара Газа ў якасці жывога шчыта», - заявілі ў ЦАХАЛа.