Нацгвардзейцы Украіны двума FPV-дронамі знішчылі найноўшы расейскі ЗРК «Віцязь»

• 6.12.2023, 17:12

Паспяховую аперацыю правялі на Херсоншчыне.

Байцы Нацыянальнай гвардыі Украіны знішчылі расейскі зенітны ракетны комплекс «Віцязь» на Херсонскім кірунку.

Відэазапіс паспяховай атакі ўкраінскіх ваяроў апублікаваў на сваёй старонцы ў сацсетцы камандзір НДУ Аляксандр Піўненка.

ЗРК «Віцязь» – найноўшы расейскі зенітна-ракетны комплекс малой і сярэдняй далёкасці, прызначаны для дакладнай абароны ад самалётаў, балістычных ракетаў, дронаў і высокадакладных нападаў.

Гэты ЗРК стаў на ўзбраенне УС РФ у 2020-м годзе. Кошт толькі пускавой устаноўкі на экспарт – ад $135 млн. Гэта самае дарагое, што калі-небудзь знішчалі FPV.