Для беларускіх кіроўцаў увялі новыя правілы тэхнічнага агляду

• 7.12.2023, 10:33

Ці вырасла цана паслугі?

З 6 снежня "Белтэхагляд" увёў новы механізм пераносу адзнакі аб праходжанні тэхнічнага агляду. Цяпер для гэтага неабходна пісаць асобную заяву, як і раней — аплачваць паслугу для ўнясенні змен у раней выдадзеныя рэгістрацыйныя дакументы, і толькі пасля гэтага інфармацыю будуць перадаваць у ДАІ.

Журналісты telegraf.news даведаліся, ці вырасла цана паслуг пасля змены працэдуры.

Перанесці адзнаку аб праходжанні ТА ў Беларусі да нядаўняга часу можна было ў наступных выпадках:

пры ўнясенні змен у пасведчанне аб рэгістрацыі транспартнага сродку,

пры выдачы дубліката пасведчання аб рэгістрацыі транспартнага сродку,

пры выдачы новага дакумента (сэртыфіката) аб праходжанні дзяржаўнага тэхнічнага агляду,

пры рэгістрацыі транспартнага сродку новым уласнікам у перыяд дзеяння дазволу на дапусканне транспартнага сродку да ўдзелу ў дарожным руху.

Для гэтага дастаткова было толькі аплаціць паслугу (12,9 рубля) і даць дакументы, якія пацвярджаюць факт выдачы дазволу на дапусканне транспартнага сродку да ўдзелу ў дарожным руху.

Аднак працэдуру скарэктавалі пасля прыняцця пастановы ўрада №791 ад 20 лістапада 2023 года.

Як растлумачыў у інтэрвію парталу av.by начальнік управы арганізацыі дзяржаўнага тэхнічнага агляду Міхаіл Міхалоўскі, з 1 студзеня 2024 года пры ўнясенні змен у дакументы, звязаныя з дзяржаўнай рэгістрацыяй транспартнага сродку, выдачай пасведчання аб рэгістрацыі транспартнага сродку пры яго страце (або крадзяжы), а таксама страце (або крадзяжы) дазволу на дапусканне да ўдзелу ў дарожным руху ў перыяд тэрміну яго дзеяння, новы дазвол на дапусканне да ўдзелу ў дарожным руху выдаваць не будуць.

"Інфармацыя аб змененых і зноў выдадзеных рэгістрацыйных дакументах змяшчаецца ў аўтаматызаваную інфармацыйную сістэму, вядзенне якой ажыццяўляецца УП "Белтэхагляд", шляхам атрымання адпаведных звестак з аўтаматызаванай інфармацыйнай сістэмы Дзяржаўнай аўтамабільнай інспекцыі Міністэрства ўнутраных спраў з дапамогай агульнадзяржаўнай аўтаматызаванай інфармацыйнай сістэмы", — такую навацыю прапісаў урад.

Як растлумачыў Міхалоўскі, на рэалізацыю гэтай пастановы арганізацыям далі два месяцы. Менавіта таму ў "Белтэхаглядзе" на час інтэграцыі баз звестак і аўтаматызаванай інфармацыйнай сістэмы для зручнасці аўтамабілістаў з 6 снежня ўвялі новы механізм пераносу адзнакі ТО праз заяву.

Пры гэтым вартасць паслугі засталася ранейшай — 12,9 рубля.