У Дуброўне арыштавалі трактарыста

• 7.12.2023, 21:05

Тэрмін далі незвычайны.

Суд у Дуброўне арыштаваў трактарыста праз падпіску на мясцовы паблік.

Сілавікі знайшлі ў трактарыста Сяргея Каўбасава ў «Аднакласніках» падпіску на групу «Усё пра Дуброўну», якая два месяцы таму была прызнаная «экстрэмісцкай», піша «Віцебск, я гуляю!».

Бацька чатырох дзяцей Сяргей Каўбасаў жыве з сям'ёй у аграгарадку Расосна Дубровенскага раёна, працуе ў ААТ «Баброва-Агра» трактарыстам.

Суддзя Ігар Татаеў даў мужчыну мінімальны тэрмін – арыштаваў яго на адны суткі.