Пад Бахмутам украінскія вайскоўцы збілі расейскі штурмавік Су-25

• 3.02.2023, 14:54

Самалёт прызямлілі стрэлам з «Іголкі» з адлегласці трох кіламетраў.

Вайскоўцы Нацгвардыі Украіны знішчылі чарговы расейскі штурмавік Су-25. Варожы самалёт быў прыземлены пад Бахмутам.

Пра гэта паведамляе прэс-служба Нацгвардыі Украіны.

Байцы адзначаюць, што авіяцыя ворага актыўна выкарыстоўвае браняваны дагукавы штурмавік пры знішчэнні наземных цэляў і наносіць удары па ўкраінскіх пазіцыях і населеных пунктах.

«2 лютага аб 11:55 раніцы ў паўднёва-ўсходняй ускраіне Бахмута нацгвардзейцы знайшлі два варожыя самалёты Су-25 на адлегласці трох кіламетраў, цэль была захопленая стралком-зенітчыкам ПЗРК «Ігла-1» і здзейснены пуск. У выніку баявой працы адзін Су-25 быў збіты», - распавёў камандзір зенітнага ракетна-артылерыйскага дывізіёна 3-й брыгады аператыўнага прызначэння з пазыўным «Партызан».

Таксама ў Нацгвардыі адзначаюць, што на Бахмуцкім кірунку акупанты часткова страчваюць баяздольнасць і паветраную перавагу і толькі за мінулы тыдзень разлікам былі знішчаныя верталёт Мі-24 і самалёт Су-25.