Магутны выбух прагрымеў у Тульскай вобласці РФ

• 2.03.2023, 11:37

Выяўлена варонка глыбінёй паўметра.

У Тульскай вобласці Расеі 2 сакавіка адбыўся моцны выбух. У выніку гэтага ў мясцовых жыхароў задрыжалі дамы.

Пра гэта паведамляюць расейскія СМІ, перадае «24 канал». Што менавіта здарылася - пакуль невядома.

Выбух адбыўся недалёка ад вуліцы Маладзёжная ў пасёлку Беразоўскі а 8 раніцы. Яго пачулі ўсе мясцовыя жыхары. З іх слоў, ад выбуху задрыжалі дамы.

Пазней у лесе знайшлі варонку глыбінёй паўметра. Вакол усё засыпала попелам і ляжалі целы птушак.

Цяпер людзей не пускаюць да месца выбуху, а тэрыторыю ачапілі праваахоўнікі і выбухатэхнікі.

Як паведамляў сайт Charter97.org, у акупаваным Крыме на тэрыторыі вайсковай часткі РФ у Саках прагрымеў выбух. Расейскія вайскоўцы атакавалі два беспілотнікі.