Беларусь накрые моцны туман

• 1.04.2023, 20:38

Бачнасць на дарогах абяцаюць ад 100 да 500 метраў.

Белгідрамет абвясціў на заўтра аранжавы ўзровень небяспекі з-за туману, які можа сур'ёзна ўскладніць жыццё ў тым ліку і аўтамабілістам. Бачнасць складзе ўсяго ад 100 да 500 метраў.

Чакаецца, што заўтра будзе воблачнае надвор'е з ападкамі. Але галоўная небяспека - моцны туман. Плюс у асобных месцах можа захоўвацца галалёдзіца.

ДАІ рэкамендуе кіроўцам выбіраць бяспечную скорасць руху, павялічваць дыстанцыю і бакавы інтэрвал, быць асабліва ўважлівымі пры пад'ездзе да пешаходных пераходаў. Пешаходы, у сваю чаргу, таксама павінны праяўляць абачлівасць і перад выхадам на дарогу абавязкова глядзець па баках, каб упэўніцца, што ўсе кіроўцы саступаюць дарогу.