Украінскія памежнікі паздзекаваліся са звальнення кіраўніка Дзяржпамежкамітэта Беларусі

• 30.05.2023, 17:19

Што стала прычынай жорсткай кадравай перастаноўкі?

Як пісаў сайт Charter97.org, 30 траўня Аляксандр Лукашэнка зняў з пасады кіраўніка Дзяржпамежкамітэта Беларусі Анатоля Лапо. Замест яго прызначаны былы кіраўнік Гарадзенскай памежнай групы Канстанцін Моластаў.

У Дзяржаўнай памежнай службе Украіны з іроніяй распавялі, што стала прычынай жорсткай кадравай пастановы:

«Лукашэнку на вочы трапіў наш учорашні ролік з беларускімі памежнікамі. Жорсткая кадравая пастанова не замарудзіла сябе чакаць: з пасады зляцеў прадстаўнік іх памежнай службы - генерал Анатоль Лапо! Крэсла зойме Канстанцін Моластаў, дарэчы, ураджэнец Расеі!

Абяцаем, што і надалей будзем добрасумленна фіксаваць «дасягненні» вашых падначаленых», - напісалі ўкраінскія памежнікі.

Як раней пісаў сайт Charter97.org, украінскія памежнікі высмеялі «пагрозу» наступу з Беларусі, паказаўшы відэа, як беларускія вайскоўцы штурхаюць стары УАЗ-469 («бобік»).