Байцы РДК паказалі ўнікальнае відэа прарыву пад Белгарадам

• 1.06.2023, 7:55

Расейскія ахвотнікі дзейнічалі зладжана з выкарыстаннем панцырнай тэхнікі.

Расейскі ахвотніцкі корпус (РДК) паказаў відэа аперацыі на тэрыторыі Белгародскай вобласці.

Як адзначылі ў РДК, за дзень аперацыі байцы ўзялі пад поўны кантроль тэрыторыю, што перасягае плошчу Бахмута, за які акупанты біліся амаль год.

«Невялікая, але яскравая відэасправаздача пра нашу мінулую аперацыю на тэрыторыі часова акупаванай крамлёўскай поскуддзю Белгародскай вобласці. За дзень мы здалелі ўзяць пад поўны кантроль тэрыторыю плошчай большую, чым увесь Бахмут. Пакуль гэта толькі спроба нашых сіл, хоць падчас такіх практыкаванняў мы змаглі забраць новы БТР 82А! Далей болей! Слава РДК», - падпісалі відэа байцы.

Магутныя кадры аперацыі пачынаюцца з феерычнай прамовы кіраўніка руху. Ён сказаў ваярам напярэдадні прарыву:

"Заўтра РДК нападае на Расейскую Федэрацыю, так што зычце нам поспеху".

Далей у відэасправаздачы паказалі кадры ўласна аперацыі. На відэа відаць, што ваякі дзейнічалі зладжана з выкарыстаннем панцырнай тэхнікі. Была страляніна, выбухі і ўжыванне авіяцыі.

Як паведамляў сайт Charter97.org, байцы «Расейскага Ахвотніцкага корпуса» і Легіёна «Свабода Расеі» прарвалі расейскую мяжу на цяжкай тэхніцы і патрапілі ў Белгародскую вобласць. Пасля гэтага расейскія ахвотнікі занялі некалькі паселішчаў.